Туркия президенти Ражаб Тоййиб Эрдўған Россия томонидан С-400 зенит-ракета мажмуаларини етказиб бериш бўйича ҳужжатлар имзоланганини маълум қилди, деб хабар бермоқда РИА «Новости».

«Биз бу мавзуда Россия билан муайян қадамлар ташладик. Имзолар қўйилди ва, умид қиламанки, биз мамлакатимизда С-400 ракеталарини кўрамиз. Шунингдек, бу тизимларни бирга ишлаб чиқаришни сўраймиз», — деди у.

Эрдўғaн Туркия йиллар давомида зенит-ракета қурилмалари хариди масаласида АҚШдан ижобий жавоб ололмай келганини таъкидлаб ўтди.

«Бу қидирувларимиз натижаси бўлди. НАТО аъзоси бўлган Греция узоқ йиллардан бери С-300 дан фойдаланади. АҚШ бундан ташвишланяптими?», — қўшимча қилди Туркия раҳбари.

Аввалроқ Ражаб Тоййиб Эрдўған АҚШ Туркия томондан Россиянинг С-400 зенит-ракета мажмуалари сотиб олиниши мумкинлигидан хавотирланаётганига изоҳ берди.