Шавкат Мирзиёев Ислом Каримовни хотирлаш тадбирида иштирок этди
28.07.2017 11:07,
6
Шавкат Мирзиёев Ўзбекистоннинг Биринчи президенти Ислом Каримовни хотирлаш тадбирида иштирок этди, деб хабар қилди президент матбуот-хизмати.
"Бугун — Ватанимиз мустақиллигининг 26 йиллик байрами арафасида юртимизнинг барча ҳудудларида Биринчи Президентимиз, буюк давлат ва сиёсат арбоби Ислом Абдуғаниевич Каримовни хотирлаш тадбирлари бўлиб ўтди.
Миллий урф-одатимизга биноан ушбу маросимларда элга ош тортилди. Биринчи Президентимиз хотирасига Қуръон тиловат қилиниб, дуои фотиҳа ўқилди", — дейилади хабарда.
Ўзбекистон президенти Шавкат Мирзиёев Тошкент шаҳрида бўлиб ўтган ана шундай маросимда иштирок этгани қўшимча қилинган.