Британиялик машҳур назариётчи физик олим яқин-орада инсоният Ердан ташқаридаги онгли мавжудотларни аниқлаши ва уларнинг қандайдир сигнал олиши мумкинлигини билдирди. Аммо олимнинг фикрича, уларга жавоб қайтариш керак эмас, чунки бу хавфли. Бу ҳодисани у Америка туб аҳолисининг қитъани очган Колумб билан алоқага киришишига қиёслади.
Стивен Ҳокинг астрономлар шароити ва ҳарорати Ерникидек бўлган Gliese 832c сайёрасини топгандан сўнг юқоридаги муносабатни ошкор қилди. Gliese 832c сайёраси Ердан беш баробар каттароқ бўлиб, айрим олимлар унда онгли мавжудотлар яшаши мумкин, демоқда. Ҳокинг ерликларни улар билан учрашишдан қайтармоқда, чунки бу учрашув Ер аҳолиси учун хатарли бўлиши мумкин. Маълумки, Америка очилгандан сўнг келгиндилар туб жой аҳолисини қаттиқ кулфатларга дучор қилган.