Австралиянинг “Бир миллат” ўнг партияси етакчиси Полина Хэнсон сенат йиғилишига қора паранжида (бурқа) келди. У бу кўриниши билан юзни беркитувчи диний либосларни миллий хавфсизлик мақсадида тақиқлашни талаб қилган. Сиёсатчининг фикрича, бундай либослар аёлларга иш топишда ва жамиятнинг бир қисмига айланишда халақит беради.

Йиғилишда иштирок этган бош прокурор Жорж Брандис Хэнсоннинг хатти-ҳаракатини «диний кийимлар» устидан кулиш» деб атади.

Брандиснинг таъкидлашича, ҳукумат бурқа ва юзни ёпувчи бошқа мусулмон кийимларига тақиқ қўймайди. Депутатлар бош прокурорни олқишлади.