Шавкат Мирзиёев масъулларга Бирлашган Араб Амирликларини ибрат қилиб кўрсатди (видео)

22.02.2018 | Ўзбекистон | 3362

Ўзбекистон Президенти Шавкат Мирзиёев 21 февраль куни импорт ҳажмини қисқартириш ва маҳаллийлаштирилган маҳсулот ишлаб чиқаришни кўпайтириш ишлари таҳлилига бағишланган йиғилиш ўтказди.

«Ўзбекистон 24» телеканалининг «Ахборот 24» дастури репортажидан маълум бўлишича, Президент Бухоро вилояти мисолида экспорт кўрсаткичларини ошириш бўйича таклифларни ўртага ташлаган. Бунда у Бирлашган Араб Амирликлари (БАА)ни намуна қилиб келтирган.

Маълумот учун, гидропоника усулида мева-сабзавот етиштиришда тупроқ ва гўнгдан умуман фойдаланилмайди, минерал ўғитларнинг самарадорлиги юқори бўлади, сув 60—70 фоизгача иқтисод қилинади.

Мутахассисларнинг қайд этишича, гидропоника усулида ишлайдиган иссиқхоналардаги ҳосилдорлик оддий иссиқхоналардагига нисбатан 2—2,5 баробарга кўп бўлади. Зангиота, Қибрай, Юқори Чирчиқ туманларида шундай иссиқхоналар ташкил этилиши ҳақида хабарлар берилган эди.