Шавкат Мирзиëевнинг 6 март кунги фармони билан Жисмоний тарбия ва спорт давлат қўмитаси ва унинг ҳудудий бўлинмалари негизида Ўзбекистон Республикаси Жисмоний тарбия ва спорт вазирлиги ташкил этилди.

Президент расмий сайтида эълон қилинган фармонга мувофиқ¸ “янги вазирликнинг марказий аппарати тузилмасида спорт фаолиятини ташкил қилишда асослилик, объективлик ва шаффофликни таъминлаш, шу жумладан жисмоний тарбия ва спортни ривожлантиришга ажратилган давлат молиявий маблағларидан оқилона фойдаланилишини таҳлил қилиш, аҳолининг спорт хизматларидан қониқиш даражаси ва спорт хизматларидан фойдалана олиш шарт-шароитларини баҳолаш, шунингдек, коррупция ва бошқа суиистеъмолчилик ҳолатларини аниқлаш учун масъул бўлган Жисмоний тарбия ва спорт соҳасида мониторинг бошқармаси тузилади”ган бўлди.

Ўтган ой Ўзбекистон ëш футболчиларининг Осиë чемпионатида ғолиб бўлганига муносабат билдирган президент Мирзиëев спорт¸ хусусан¸ футболни шахсий назоратига олиб, уни коррупциядан тозалаганини маълум қилган эди.