Шавкат Мирзиёев 19 апрель куни Бухоро ва Навоий вилоятларига ташриф буюради
18.04.2018 16:48,
4
Шавкат Мирзиёев 19 апрель куни Бухоро ва Навоий вилоятларига ташриф буюради. Бу ҳақда Президент матбуот котиби Комил Алламжонов ўзининг Facebook'даги саҳифасида хабар қилди.
Давлат раҳбари Бухорода “Ўзбекнефтгаз” миллий холдинг компанияси билан Россиянинг “Лукойл” компанияси ҳамкорлигида қурилган Қандим газни қайта ишлаш мажмуасининг очилиш маросимида иштирок этади.
“Навоийазот” акциядорлик жамияти томонидан жаҳон бозорида харидоргир кимё маҳсулотлари ишлаб чиқарадиган учта завод барпо этилмоқда. Навоий вилоятига ташрифи чоғида Президент ушбу заводлар қурилишининг бориши билан танишади.