Босния мусулмонлари Халқаро трибуналнинг Радован Каражични фақат Серебриницадаги қатлиомга алоқадорликда айблаб 40 йиллик қамоқ жазосига ҳукм қилганидан норозилик билдирмоқда деб Рейтер агентлиги хабар бермоқда.
Босния мусулмонлари Каражични нафақат Серебриница, балки собиқ Югославиянинг бошқа ҳудудлардаги қатлиомларга ҳам алоқадор деб топилишини талаб қилмоқдалар.
Пайшанба куни Халқаро трибунал Босния сербларининг собиқ етакчиси Радован Каражични 90-йиллардаги Босния уруши даврида инсониятга қарши жиноят содир этганликда айбдор деб топганлигини хабар берган эдик.