Ўзбекистон Республикаси Президенти Шавкат Мирзиёев яқин вақт ичида Қозоғистонга расмий ташрифни амалга оширади. Бу ҳақда 23 февраль куни Тошкентдаги Халқаро бизнес марказида бўлиб ўтган Ўзбекистон Республикаси ва Қозоғистон Республикаси ўртасидаги икки ёқлама ҳамкорлик бўйича Ҳукуматлараро комиссиянинг 16-йиғилишида Ўзбекистон Республикаси Бош вазирининг биринчи ўринбосари Ачилбой Раматов маълум қилди, деб ёзади Дарё.
Кутилаётган ташриф янги сайланган давлат раҳбари Шавкат Мирзиёевнинг ўз лавозимига киришганидан сўнг Қозоғистонга амалга оширадиган биринчи расмий ташрифи бўлади. Расмий ташриф икки мамлакат ўртасидаги стратегик ҳамкорликнинг янги босқичга чиқишига замин яратади. Бўлиб ўтган йиғилиш кутилаётган ташрифга пухта тайёргарлик кўриш имконини бериши таъкидлаб ўтилди.