Akkumulyator kutilmaganda o‘tirib qoldi. Aksiga olib yordam beradigan odamning o‘zi yo‘q. Itarishga kuchingiz yetmaydi.
Tashvish chekmang, buning yo‘li bor. Darvoqe, avtomobilingiz mexanik qutiga egami?
Buning uchun sizga har bir haydovchi yonida olib yurishi shart bo‘lgan domkrat va chilvir kerak.
Domkrat yordamida mashinani g‘ildiragi yerga tegmaydigan darajada ko‘taring. So‘ng g‘ildirakka chilvirni yaxshilab o‘rang. Dvijok yoki qayiqning motorini arqoncha orqali tortib yurgizganmisiz? G‘ildirakka puxta o‘ralgan chilvirni qulochkashlab qattiq torting, g‘ildirak aylanib, dvigatel ishlab ketadi. Texnik tomonlama bu usul mashinani itarib yurgizishga o‘xshaydi.