Жаҳон банки Украинани қўллаб-қувватлаш учун тахминан 11 миллиард доллар юборди. Бу ҳақда халқаро молия ташкилоти раҳбари Девид Малпассе маълум қилди, дея хабар беради РИА Новости.

Унинг сўзларига кўра, ушбу маблағлар Киевга Жаҳон банкининг лойиҳалари ва ишончли фондлари орқали тақдим этилган.

Малпасснинг таъкидлашича, молиявий ташкилот кўп томонлама каналлар орқали Украинага 13 миллиард долларга яқин фавқулодда ёрдамни «сафарбар қилган».

Аввалроқ, халқаро валюта жамғармаси Украина ҳукумати билан мамлакатни молиявий қўллаб-қувватлашнинг кенг кўламли дастурини тайёрлаш имкониятини муҳокама қилаётгани ҳақида хабар берилган эди.