Америка молия вазирлигининг ҳисоботига кўра, АҚШ давлат қарзи тарихда биринчи марта рекорд даражадаги 31 триллион доллардан ошди.
3 октябрь ҳолатига кўра, Қўшма Штатлар 31,123,887,781,401 доллар қарздор эди. Қарз мажбуриятларининг аксарияти эгалари жисмоний шахслардир. Улар 24 триллион доллардан ошади. Қўшма штатларнинг хорижий ҳукуматлар олдидаги қарзлари қарийб 7 триллион долларни ташкил этади.
19 сентябрь куни қарз бозори учун эталон ҳисобланган 10 йиллик Ғазначиликнинг рентабеллиги 2011 йилдан бери биринчи марта йиллик 3,5 фоиздан ошганлиги ҳақида хабар берилган эди.