Россия пойтахти Москва марказидаги Федерал хавфсизлик хизмати бош биносида 19 декабрь соат 18 лар атрофида отишма юз берди.
Катта Любянка кўчасида юз берган воқеа оқибатида ФХХнинг бир ходими ҳалок бўлди, яна икки ходими оғир жароҳат олди.
«Коммерсантъ» манбасининг хабар беришича, ҳужумчи бир ўзи ҳаракат қилган ва бино ичига бостириб кирмаган. Воқеа юзасидан жиноий иш қўзғатилган.
Отишма юз берган вақтда Россия хавфсизлик идоралари ходими куни муносабати билан концерт ўтаётган бўлган. Унда Россия президент Владимир Путин ҳам иштирок этган.