АҚШ президенти маъмурияти еттита давлатни, жумладан Беларус ва Қирғизистонни фуқароларининг АҚШ ҳудудига киришлари тақиқланадиган мамлакатлар рўйхатига киритишни режалаштирмоқда. Бу ҳақда The Wall Street Journal ўз манбаларига таяниб хабар бермоқда.

Нашр маълумотларига кўра тақиқ Беларус, Қирғизистон, Мянма, Нигерия, Судан ҳамда Танзания давлатларига қўйилади.

АҚШ президенти Доналд Трамп нашрга берган интервьюсида АҚШга фуқароларнинг кириш ҳуқуқи чекланган давлатлар рўйхатини кенгайтириш режалаштирилаётганини тасдиқлади. Бироқ, у қайси давлатлар кўриб чиқилаётганини аниқ айтмаган.