Россия соғлиқни сақлаш вазирлигининг штатсиз бош диетологи Виктор Тутелян танани илиқ сақлаш учун қайноқ, шакарли чой ичишни маслаҳат берди.

Унинг фикрича, шакарли бошқа ичимликлар ҳам фойдали.

“Фақат иссиқ ёки илиқ шаклда. Масалан, иссиқ морс”, - дейди мутахассис.

Тутелян танадаги иссиқликни сақлаб қолиш учун таркибида углевод миқдори кўп бўлган ҳамда енгил ҳазм бўладиган овқатлар истеъмол қилишни тавсия қилди. Шу билан бирга, улар ошқозон-ичак трактида ҳазм қилиш билан боғлиқ муаммо чиқармаслиги керак. Диетолог мисол тариқасида болалар бўтқаси ва қандолатчилик маҳсулотларини келтирди.

Шунингдек, мутахассис совуқ кунларда алкогол маҳсулотлари истеъмол қилмасликни тавсия қилди.