Олимлар кўп селфи туширадиган эркаклар телбаликка мойил бўлишини аниқлади

18.05.2017 | Жамият | 2491

Огайо университети олимлари тадқиқот ўтказиб, ижтимоий тармоқларга кўп селфи жойлайдиган эркаклар телбалик (психопатия) ва  худбинликка мойил бўлишини аниқлади.

Тадқиқотда 18 дан 40 ёшгача бўлган 800 нафар эркак қатнашиб, анкета саволларига жавоб берди. Шу тариқа уларнинг ижтимоий тармоқларга селфи жойлаш чоғидаги хатти-ҳаракатлари баҳоланди. Бундан ташқари, иштирокчилар ғайриижтимоий хулқ ва худбинлик даражасини аниқлашда ёрдам берувчи қатор стандарт саволларга жавоб берди.

Шунингдек, тажриба натижалари ўз селфиларини тармоққа қўйишдан аввал уларни таҳрирлайдиган кишиларда ушбу кўрсаткич даражаси баланд бўлишини намоён этди.

Худбинлик ва унинг Интернетдаги хулқ билан боғлиқлиги тез орада батафсил ўрганилади.