Давлат статистика қўмитасининг маълум қилишича, 2019 йил 1 октябрь ҳолатига Ўзбекистоннинг доимий аҳолисини сони 33 миллион 724,5 мингга етди. Бу жорий йил бошидан бери юртимиз аҳолиси 469 минг кишига ёки 1,4 фоизга ошди демакдир.
Аҳоли сони бўйича вилоятлар орасида Самарқанд пешқадам бўлиб турибди – 3,8 миллион. Аҳолиси энг кам вилояти эса Сирдарё – 841 минг.
Статистикага кўра, юртимиз аҳолисининг 59,1 фоизи меҳнат лаёқатли кишилардан иборат.
Жорий йилнинг январь-сентябрь ойиларида Ўзбекистонда 589,7 мингта туғилиш ва 112,2 мингта ўлим қайд этилди. Ўлимларнинг 60,6 фоизи қон айланиш тизими касалликлари туфайли юз берган.