Арманистонда янги президент сайланди
3.03.2022 17:35,
115
Арманистон парламенти овоз беришнинг иккинчи турида республиканинг янги президентини сайлади. Бу ҳақда Sputnik Арманистон хабар бермоқда.
Овоз бериш жараёнида президент этиб юқори технологиялар саноати вазири Ваагн Хачатрян сайланди. Унинг номзоди учун 71 депутат – ҳукмрон «Фуқаролик шартнома» фракциясининг барча вакиллари овоз берди.
Қайд этилишича, Арманистоннинг бешинчи президентининг инаугурацияси парламентнинг навбатдан ташқари йиғилишида бўлиб ўтади.
Аввалги президент Армен Саркисян шу йилнинг январ ойида истеъфога чиқиишини маълум қилганди.