АОКAда бўлиб ўтган брифингда Адлия вазирлиги ахборот хизмати раҳбари Севара Ўринбоева Фармон лойиҳаси муҳокамаси юзасидан маълумот берди.

Фармон лойиҳасида аҳолини ижтимоий ҳимоялаш ва пенисия тизимини ислоҳ қилиш бўйича қандай тадбирларни амалга ошириш режалаштирилмоқда.

Хусусан:

–пенсияни ҳисоблаш базавий миқдорини 10 баробардан 12 баробаригача ошириш;

–ижтимоий ҳимояга муҳтож фуқароларга ФУҚАРОЛИК ва МАЪМУРИЙ ишлар бўйича давлат ҳисобидан бепул юридик ёрдам кўрсатиш тартибини жорий этиш;

–пенсия ҳисоблашда болани парваришлаш таътилида бўлиш вақтини иш стажига қўшиб ҳисобланадиган 3 йиллик даврни 6 йилга ошириш;

- ногиронлиги бўлган болаларга 18 ёшгача қаралган даврни пенсия тайинлашда иш стажига қўшиб ҳисоблаш;

- Қорақалпоғистон Республикаси ва Хоразм вилоятида 1-4 синф ўқувчиларини Давлат бюджети маблағлари ҳисобидан бепул овқат (нонушта ёки тушлик) билан таъминлаш;

- нодавлат мактабгача таълим ташкилотлари ва мактабларга фарзандларини юбораётган ота-оналарнинг 3 миллион сўмгача бўлган тўловларини даромад солиғидан озод этиш ва бошқалар режалаштирилган.