Чаласаводлар эмас, соҳани мукаммал биладиганлар дарс бериши керак — Президент Термизда янги ОТМ очилиши ҳақида
2.06.2021 18:58,
138
Сурхондарё вилояти фаоллари йиғилишида давлатимиз раҳбари Тошкент давлат техника университети Термиз филиали негизида ушбу университетнинг Термиз муҳандислик-технология институтини ташкил этиш юзасидан топшириқлар берди.
– Бу институтнинг замини бор. Чаласаводлар эмас, шу соҳаларни мукаммал биладиганлар дарс бериши керак”, деди давлат раҳбари.
Давлат раҳбари 2021/2022 ўқув йилидан бошлаб, ушбу янги институтда қурилиш ва геология соҳалари учун олий маълумотли мутахассислар тайёрлаш бошланишини қайд этди. Институт қошида Бойсун туманида кўп тармоқли техникум ташкил этилиб, кончилик, пиллачилик ва қурилиш материаллари ишлаб чиқариш соҳалари учун ўрта махсус маълумотли мутахассислар тайёрлаш ҳам йўлга қўйилади.