Интернетда тарқалган видеолар сабаб 28 нафар ички ишлар ходими лавозимидан озод этилгани маълум қилинди
4.02.2021 09:47,
611
Бу ҳақда АОКАдаги матбуот анжуманида ИИВ кадрлар бошқармаси бошлиғи ўринбосари Авазбек Инамов маълум қилди:
«Ички ишлар органлари ходимлари ва фуқаролар ўртасидаги салбий ҳолатлар акс эттирилган 201 та видеоролик ижтимоий тармоқларда кенг муҳокамага сабаб бўлган.
Кадрлар бош бошқармаси ҳамда Ўзхавфсизлик бўлинмалари билан ҳамкорликда ҳар битта ҳолат бўйича текшириш ўтказиб, 87 нафар ходимга нисбатан интизомий жазо чораси қўлланилган. Шундан 8 нафари ички ишлар тизимидан бўшатилган. 20 нафари эса эгаллаб турган лавозимидан озод этилган.
Шу ўринда, 201 та видеороликдан 84 та ҳолатда ходимлар айби тасдиқланмаган ва 22 та ҳолат бўйича фуқароларга нисбатан маъмурий жавобгарлик, 9 та ҳолатда жиноий иш қўзғатилган».