Миллий масс-медиани қўллаб-қувватлаш ва ривожлантириш жамоат фонди раиси Комил Алламжонов «Kun.uz» сайти билан суҳбатда «Шоввозсой» ҳақида тарқалган хабарларга тўхталди.
«Президентимизнинг жавобларидан кейин бу масалага ўрин қолмади, деб ҳисоблайман. Биз ҳар доим ҳар қандай кўтарилган масалага зудлик билан ва тўғри жавоб бериш тарафдори бўлиб келганмиз. Самимийлик ва очиқлик фойда берса беради-ки, лекин зарар келтирмайди.
Ҳар доим бир фикр тарқалдими, иккинчи тарафнинг ҳам фикри билан қизиқиш керак. Энди бу масалада у томонни ҳам, бу томонни ҳам маълумотларини эшитиб, халқнинг ўзи хулоса чиқариб олади, деб ўйлайман. Энг асосийси, президентимизнинг ўзлари билан боғлиқ шахсий масалага ҳам очиқ юз билан жавоб беришларини мен яхши сигнал деб ҳисоблайман», – деди Комил Алламжонов.
Масс-медиа фонди раҳбари аввалроқ «Ўзбекистон темир йўллари» берган изоҳдаги ҳақиқатга тўғри келмайдиган ҳолатлар ҳақида ҳам гапирган.
«Бу ҳолатларни мен ҳам Ўзбекистон фуқароси сифатида кузатиб бордим. Албатта, буни «Ўзбекистон темир йўллари» матбуот хизматининг пала-партиш ва ўйламай қилган иши деб ҳисоблайман. Уларнинг ёлғон маълумотлар бериши, ўша видеоларни тарқатиши қандай оқибатларга олиб келишини бугун матбуотда кўрдик.
Матбуотда бир олтин қоида бор: Ҳар қандай берилаётган маълумот ёки изоҳ ёлғондан иборат бўлиши керак эмас. Мусулмончасига айтганда, ёлғон аралашган жойдан барака қочади. Шунинг учун ҳам биз доим матбуот хизматлари ходимларининг малакасини ошириш жуда ҳам муҳимлигини айтиб келамиз. Ўйламасдан тарқатилган бу маълумот ҳам қандай миш-мишлар ва ёлғон маълумотлар кўпайиб кетишига сабаб бўлди», — дея қайд этади Комил Алламжонов.
Эслатиб ўтамиз, ўтган ойда ижтимоий тармоқларда «Угам-Чотқол» миллий табиат боғи тасарруфидаги «Шоввозсой» ҳақида турли хабарлар тарқалганди. Бу хабарларга «Ўзбекистон темир йўллари» муносабат билдирганди.
18 март куни журналистнинг шу масалада берган саволига президент Шавкат Мирзиёев бу маскан давлатга тегишли экани, мартабали ёки Ўзбекистонга фойдаси тегадиган инсон келса, ўзи ҳам меҳмон билан боришини айтиб ўтди
Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Сўнгги янгиликлар
25.09.2023 15:06,
4
AsiaExpress pul o‘tkazmalari MKBANKda!
20.09.2023 15:22,
0
Kutib oling MKBANKdan Premial Visa kartalari
Комил Алламжонов «Шоввозсой» атрофидаги воқеаларга муносабат билдирди
20.03.2021 12:39,
1146
Тавсия этамиз
25.09.2023 15:06,
4
AsiaExpress pul o‘tkazmalari MKBANKda!
13.09.2023 15:25,
1
MKBANKda quyosh panellari o‘rnatish uchun 150 mlrd.dan ortiq kreditlar ajratildi
23.01.2023 16:04,
405
Bloomberg: 2023 йилда Европа тарихдаги энг ёмон қарз инқирозига дуч келиши мумкин
Тавсия этамиз
Ўзбекистон
25.09.2023 15:08,
8
Ўзбекистон
21.09.2023 15:33,
2
Ҳар доим хабардор бўлинг!
carzone.uz мобил иловаларини кўчириб олинг ва барча янгиликлар сиз билан