"Ўзбекистон" меҳмонхонаси акциялари нархи яна пасайтирилди, дея хабар беради Давлат активларини бошқариш агентлиги.

Ҳозир меҳмонхонани бошқарувчи "Otel O‘zbekiston" қўшма корхонасининг 80,13 фоизли пакети 26,4 миллион долларга тенг. Биринчи марта нарх июль ойининг охирида туширилди (дастлабки нархи 33 миллион долларни ташкил қилди, аммо биринчи уринишда сотилмагач нархи 29,7 миллион долларга туширилганди).

Пакет февраль ойининг бошида кимошди савдосига қўйилган. Сотиш тўғрисида қарор ўтган йилнинг август ойида қабул қилинган. Харидор қўшни ҳудудда инфратузилмаси бўлган ер участкасидан ва "Ўзбекистон" мажмуаси биносидан (тасарруф этиш ҳуқуқисиз) фойдаланиш ҳуқуқини 99 йил муддатга олади.

Тўловнинг максимал муддати уч йил. Харидор инвестицион мажбуриятларни ўз зиммасига олиши керак - икки йил ичида 100 миллиард сўм инвестиция қилиши талаб этилади. Ушбу маблағ меҳмонхонани модернизация қилиш ва керак бўлганда қайта қуриш учун керак бўлади.

Янги эгадан асосий фаолият турини (меҳмонхона хизматлари) 10 йил давомида сақлаб туриш, бинонинг олд фасадини сақлаш ва меҳмонхонани бошқариш учун энг яхши менежерларни жалб қилиш талаб қилинади. Тендерда иштирок этиш учун бошланғич нархнинг камида 15% миқдорида омонат тўланиши керак.

Кейинги ким ошди савдоси 16 сентябрда бўлиб ўтади. Агентликнинг хабар беришича, бир нечта тадбиркорлар сотиб олишга қизиқиш билдиришган ва бошқаларни таклиф қилишга таклиф қилишган.

Тошкентнинг марказидаги Ўзбекистон меҳмонхонаси 1974 йилда қурилган. Тўрт юлдузли меҳмонхона ҳали ҳам шаҳарнинг энг таниқли меҳмонхоналаридан бири ҳисобланади. Меҳмонхонада 223 та хона мавжуд.