Тошкент шаҳар Олмазор туманида 17 ёшли вояга етмаган бола ўз тенгдоши билан жанжаллашиб, уни пичоқлаб қўйди, дея хабар бермоқда Тергов департаменти.

Маълум қилинишича, 2021 йилнинг 4 апрель куни соат 19:00 ларда А.Ж. исмли йигит Олмазор тумани Беруний кўчасида жойлашган жамоат жойи ҳисобланган Mir Cinema дўкони олдида бўла туриб, шу ерда бўлган вояга етмаган 17 ёшли С.А. билан ҳеч бир сабабсиз жанжаллашган.

Шу вақтда А.Ж. ёнида бўлган ошхона пичоғи билан С.А. баданининг турли жойларига уриб, тан жароҳати етказган.

ТТА-2 килиник шифохонасининг тиббий маълумотида С.А.да қорин олд, иккала курак, чап бел соҳаси, иккала сон ташқи юзаси ва ўнг думба қисмида кесилган жароҳатлари кўрсатилган.

Олмазор тумани ИИО ФМБ ҳузуридаги тергов бўлинмаси томонидан вояга етмаган 17 ёшли А.Ж.га нисбатан Жиноят кодексининг 277-моддаси 2-қисми «в» банди (совуқ қуролни намойиш қилиб, уни қўллаб, безорилик қилиш) билан жиноят иши қўзғатилиб, процессуал тартибда ушланган.

Ҳозирда ушбу жанжалнинг келиб чиқиш сабаблари аниқланмоқда.