“Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида” Президент Фармони (ПФ–6000-сон, 26.05.2020 й.) қабул қилинди.
Фармон билан қуйидагилар ташкил этилди:
• мақом ижрочилиги, бахшичилик ва катта ашула йўналишлари бўйича кадрлар тайёрловчи таянч олий мактаби муассасаси – Юнус Ражабий номидаги Ўзбек миллий мусиқа санъат институти;
• давлат муассасаси шаклидаги Маданий мерос илмий-тадқиқот институти;
• Маданият вазирлиги тизимида Республика мусиқа ва санъат коллежи ташкил этилди.
Шунингдек, Республика ихтисослаштирилган эстрада ва цирк мактаби Карим Зарипов номидаги Республика эстрада ва цирк коллежи этиб қайта ташкил этилди.
В.Успенский ва Р.Глиэр номидаги Республика ихтисослаштирилган мусиқа академик лицейлари мактаб-интернатлар учун белгиланган имтиёзларни татбиқ этган ҳолда тегишлича В.Успенский ва Р.Глиэр номидаги Республика ихтисослаштирилган мусиқа мактабларига айлантирилди.