2019 йилда Ўзбекистонда яширин иқтисодиётнинг ЯИМдаги улуши 52,11 фоизни ташкил этди. Марказий Осиё давлатларида ушбу кўрсаткич пастроқ — Тожикистонда 40,76 фоиз, Қозоғистонда 36,65 фоиз ва Қирғизистонда 30,53 фоизга етган, деб хабар берди Иқтисодий тараққиёт ва камбағалликни қисқартириш вазирлиги ахборот хизмати.

Яширин иқтисодиётнинг улуши жаҳон мамлакатлари, жумладан, АҚШда 8,0%, Канадада 11,0%, Германияда 10,2%, Буюк Британияда 9,6%, Австралияда 9,0%, Сингапурда 8,6% ва Японияда 8,1%ни ташкил қилди.

Қолаверса, 2018 йилнинг 12 январида Ўзбекистонда яширин иқтисодиёт ҳажми ЯИМнинг 50 фоизидан кўпроғини ташкил этиши айтилганди.

2020 йилнинг 9 сентябрида ДСҚ Ўзбекистонда 245 трлн сўм маблағ соя остида эканлигини, яширин иқтисодиётнинг улуши эса таҳминан 48 фоизга тўғри келишини хабар қилган.