Пиёда юрганларга тўланган пуллар 43 млрддан ошди
30.12.2021 09:23,
202
Пиёда кўп юрганларга бугунгача тўлаб берилган умумий сумма қарийб 43,5 миллиард сўмга етди. Бу ҳақда Туризм ва спорт вазирлиги Матбуот хизмати хабар қилди.
“Соғлом турмуш тарзи” платформасидан (1hls.uz) 18 ёшдан юқори бўлган 1 миллион 209 минг 77 нафар киши рўйхатдан ўтди. Шундан 757 минг 680 нафари эркак, 451 397 нафар аёллар.
Платформа фойдаланувчиларига шу кунга қадар 43 миллиард 45 миллион 953 минг сўм миқдорида маблағлар тўлаб берилган.
Платформада рўйхатдан ўтиб, бир сутка давомида 10 минг қадам ва ундан кўпроқ юриб, қўшимча маблағ олиш мумкин.