Қозоғистонда ўта оғир жиноят қилган Ўзбекистон фуқароси қидирилмоқда
21.05.2020 20:57,
3330
Қозоғистон Республикасининг Жамбил вилоятида 1966 йилда туғилган Ўзбекистон Республикаси фуқароси, ўта оғир жиноят содир этган Дилмурод Нормуродов қидирилмоқда, дея хабар берди Kazinform.
Бу ҳақда вилоят полиция департаменти матбуот хизмати хабар берди. Хабарда айтилишича, жиноятчи озғиндан келган, бўйи ўртачадан юқори, бурнида чандиғи бор, эгнига ва камуфляжли куртка ва жинси шим кийган.
Шунингдек, Дилмурод Нормуродовнинг қаердалиги тўғрисида маълумот берган кишига мукофот берилиши маълум қилинди.
«Агар сизда бирон бир маълумот бўлса, илтимос, 8 (7262) 997137, 997236 рақамларига ёки «102» рақамига қўнғироқ қилишингизни сўраймиз. Анонимлик кафолатланади», - дейилади хабарда.