Қозоғистонда қор бўронида қолиб кетган йўловчилар адашиб қолмаслик учун арқон билан қутқарилди (видео)
21.02.2020 11:37,
287
Қозоғистоннинг Ақмола вилояти Ерейментау туманида қор бўронида қолиб кетган йўловчилар арқон билан қутқарилди, деб хабар берди Kazinform.
Ерейментау шаҳридан 10 км масофада, «Ерейментау-Торғай» автотрассасида қор бўронида қолиб кетган 7 та автомобилнинг 20 нафар йўловчиси қутқарилди.
Кўриш имконияти жуда паст бўлганлиги сабабли қутқарувчилар уларга арқон ушлатиб, эвакуация учун махсус юборилган ўт ўчириш машинаси ва махсус техникаларга олиб келишган.