Ўзбекистон расмийлари март-апрел ойларида Россия билан доимий рейсларни қайта тикламоқчи. Республикадаги вазият Россия Федерациясининг парвозларни тиклаш бўйича барча мезонларига жавоб беради, деган Ўзбекистон транспорт вазири ўринбосари Жасурбек Чориев.
"Биз Россия томонининг жавобини кутмоқдамиз. Ўйлайманки, март-апрел ойларида бирон бир ижобий натижа бўлади", деган у ва Тошкент Москвага Ўзбекистондаги коронавирус билан боғлиқ эпидемиологик вазият тўғрисида барча керакли маълумотларни юборганини қўшимча қилган.
Таъкидлаш жоизки, Ўзбекистон 1 октябрь куни барча транспорт турлари учун ўз чегараларини очди. Шу билан бирга, "Ўзбекистон ҳаво йўллари" миллий авиакомпанияси Белорусия, Туркия, Бирлашган Араб Амирликлари, Қозоғистон ва Қирғизистонга мунтазам рейсларни тиклаган ва йил бошидан буён Тожикистон, Германия ва Ҳиндистонга ҳам рейслар амалга оширилмоқда.
Айни пайтда коронавирус билан боғлиқ вазият қийин бўлган мамлакатларга парвозлар фақат махсус рейсларда давом этмоқда. Ҳозирча коронавирус учун тестнинг салбий натижаси бўлган сертификат, шунингдек зарур даволаниш ёки оилани бирлаштириш учун ҳужжатлар мавжуд бўлган тақдирдагина, Ўзбекистондан Россия Федерациясига ва орқага парвоз мумкин.