Қозоғистоннинг биринчи президенти Нурсултон Назарбоев илк бор набираси Айсултон Назарбоевнинг вафоти воқеасига тўхталди. Собиқ давлат раҳбари бу ҳақда «Хабар» телеканалида намойиш этилган ҳужжатли филмда гапирган.
«Бу йил бир набирамни йўқотдик, у менга жуда ўхшарди. Бу воқеа жуда афсусланарли», - деди Назарбоев. Айсултан Москва ва Лондонда даволанган. «Уни ҳеч ким тузатолмади, чунки ёмон ишнинг қулига айланганди, ушлаб қолиш имконсиз эди» - дейди Элбоши суҳбатда.
Эслатиб ўтамиз, Айсултан Назарбоев 2020 йил август ойида Лондонда вафот этди. Ўлимидан аввал у гиёҳвандликдан даволанган, Буюк Британия ҳукуматидан сиёсий бошпана сўраб, жамоатчилик эътиборига тушганди.
Айсултан Қозоғистон Биринчи президентининг катта қизи Дариға Назарбоева ва куёви марҳум Роҳат Алиевнинг ўғли эди.