14 март куни эрталаб Uzcard'да профилактика ишлари олиб борилди. Бу ҳақда тўлов тизимининг оператори маълум қилди.
EPOS маълумотларига кўра, тизимда потенциал техник узилишлар аниқланган. Уларни бартараф этиш мақсадида соат 11:00 дан 11:20 гача Uzcard мутахассислари томонидан жараёнларни оптималлаштириш бўйича тезкор ишлар олиб борилди.
Бу вақтда электрон тижорат ҳисоб-китобларини қабул қилувчи тўлов хизматлари томонидан қисқа муддатли носозликлар юзага келди. Энди тўловлар тикланди ва нормал ишламоқда, дея таъкидлади EPOS
POS-терминаллар орқали тўловлар, шунингдек, банкоматлардан нақд пул ечиб олиш ҳам оддий режимда амалга оширилади, дея қўшимча қилинган хабарда.
Тўлов хизмати вакиллари вақтинчалик ноқулайликлар учун узр сўради.