Гиннеснинг рекордлар китобидан ўрин олган дунёнинг энг кекса эркаги, 112 ёшли Титэцу Ватанабэ Японияда вафот этди. Бу ҳақда Аsahi нашри хабар берди.
Отахон Япониянинг Ниигата префектурасида яшаган.
Ватанабэ 1907 йилнинг 5 мартида Жэцу шаҳрида туғилган. Унинг 5 нафар боласи, 12 нафар набираси, 16 нафар чевараси ва 1 эвараси бўлган.
Бу йил у Гиннес рекордлар китобининг «Дунёнинг энг кекса кишиси» сертификатини олган эди.