Халқаро олимпия қўмитасига Алишер Усмоновни ўз лавозимини қайта эгаллаши юзасидан Халқаро қиличбозлик федерациясига аъзо 100 та давлатдан ошиқ миллий федерация вакиллари имзолаган мактуб йўлланди.

ХОҚ президенти Томас Бахга йўлланган мактубда «Усмановга қарши санкцияларни бекор қилиш ва қиличбозликка қайтишини таъминлаш, адолатни тиклаш учун барча саъй-ҳаракатларни амалга ошириш» сўралади.

Insidethegames.biz сайтининг ёзишича, 2008 йилда FIE президентлигига сайланганидан бери Усмонов мазкур спортнинг ривожи учун тахминан 90 миллион швейцария франкини (77,5 миллион фунт / 92,5 миллион доллар / 91 миллион евро) сарфлади. Бундан ташқари, 2020 йилги эпидемиологик мураккаб вазиятда қиличбозликнинг халқаро мавқеини асраб қолиш мақсадида FIE даромадларининг камида 93 фоизи Усмановга тегишли бўлди.