2020 йилда Ўзбекистонда неча нафар шахс судда оқлангани очиқланди

2020 йилда Ўзбекистонда неча  нафар шахс судда оқлангани очиқланди

Ўзбекистон Республикаси Олий суди 2020 йилда жиноят ишлари бўйича судлар кўриб чиққан ишлар бўйича ахборот берди. Унга кўра, 2020 йилда:

- жами 38 149 нафар шахсга нисбатан 30 284 та иш кўриб чиқилган;  
- 781 нафар шахс оқланган ва реабилитасия қилинган;
- судланган шахслар сони 27 999 нафар;
- озодликдан махрум қилинганлар 7 110 нафар;
- 1 051 нафар шахс шартли ҳукм қилинган;
- 19 838 нафарига бошқа турдаги жазолар тайинланган.

Судланган шахсларнинг 24 972 нафари эркаклар, 3 027 нафари аёллар, 10 371 нафари ёшлар (шу жумладан 499 нафари вояга етмаганлар) ва 908 нафари 60 ёшдан ошган шахслар.