26 сентябрь — Давлат хавфсизлик хизмати органлари ходимлари куни сифатида белгиланади

26 сентябрь — Давлат хавфсизлик хизмати органлари ходимлари куни сифатида белгиланади

Бу ҳақда Сенатнинг 18-ялпи мажлисида маълум қилинди:

«2018 йил 2 октябрда қабул қилинган «Ўзбекистон Республикаси Давлат хавфсизлик хизмати кунини белгилаш тўғрисида»ги қонунда 5 апрель — Давлат хавфсизлик хизматининг касб байрами этиб белгиланган эди. Бугунги кунда 5 апрель санасини Давлат хавфсизлик хизмати куни сифатида нишонлаш (Хизматнинг 30 йиллиги) хавфсизлик идораларининг фаолият юритишини ҳисоблашда қарама-қаршиликни келтириб чиқармоқда.

Чунки ўтган йиллар давомида (2006, 2011 ва 2016 йиллар) хизматнинг тантанали юбилейларига Давлат хавфсизлик хизматининг хорижий ҳамкорлари таклиф этилиб, уларга эсдалик нишонлари топширилган.

Шу боис, Мустақилликнинг 30 йиллик байрами нишонланганидан сўнг, 26 сентябрь куни Давлат хавфсизлик хизматининг 30 йиллигини ўтказиш мантиқан тўғри ҳисобланади», — дейилади Сенат ахборот хизмати хабарида.

«Ўзбекистон Республикаси Давлат хавфсизлик хизмати органлари ходимлари кунини белгилаш тўғрисида»ги қонун Сенат аъзолари томонидан маъқуллади. Энди 2018 йил 2 октябрда қабул қилинган «Ўзбекистон Республикаси Давлат хавфсизлик хизмати кунини белгилаш тўғрисида»ги қонун ўз кучини йўқотади.