50 та хорижий компания Россиядан Қозоғистонга кўчиб ўтмоқчи
23.09.2022 12:06,
106
Қозоғистон Республикаси Бош вазири Алихан Смаилов 50 та хорижий компания Қозоғистонга кўчиб ўтишни режалаштираётганини маълум қилди. Бу ҳақда ҚР Ҳукуматининг "UKIMET"Теlegram канали хабар берди.
"Ҳозирги сиёсий вазият миллий иқтисодиётга салбий таъсир кўрсатмоқда. Бугунги кунда 50 га яқин хорижий компания қўшни давлатдаги ишлаб чиқаришини ёпган. Улар Қозоғистонга ишлаб чиқариш ва офисларини кўчириш истагини билдирган. Саккиз ой якунларига кўра, асосий капиталга йўналтирилган инвестициялар реал кўрсаткичда 6 фоизга, тўғридан-тўғри хорижий инвестициялар оқими 1-чорак якунлари бўйича 54 фоизга ошди", — дейилади хабарда.