Абдулазиз Комилов БАА давлат вазири билан телефон орқали мулоқот қилди

Абдулазиз Комилов БАА давлат вазири билан телефон орқали мулоқот қилди

Ўзбекистон Республикаси ташқи ишлар вазири Абдулазиз Комилов 30 сентябрь куни Бирлашган Араб Амирликлари давлат вазири Аҳмад Али ал-Саег билан телефон орқали мулоқот қилди.

Суҳбат давомида кўп қиррали Ўзбекистон – Бирлашган Араб Амирликлари муносабатларининг долзарб масалалари, шунингдек, Бирлашган Миллатлар Ташкилоти, Ислом ҳамкорлик ташкилоти ва бошқа тузилмалар доирасидаги ўзаро ҳамкорлик муҳокама қилинди.

Қатор соҳаларда алоқаларни янада мустаҳкамлаш муҳимлиги қайд этилди. Икки томонлама ва кўп томонлама ҳамкорликнинг барча йўналишлари бўйича конструктив мулоқотни давом эттиришга келишиб олинди.