Ўзбекистон бош вазири Абдулла Арипов келаси ҳафтада Евроосиё иқтисодий иттифоқи (ЕОИИ) мамлакатларидаги ҳамкасблари билан учрашади. Бу ҳақда «Sputnik Uzbekistan» хабар берди.
Манба хабарига кўра, Абдулла Ариповнинг Евроосиё ҳукуматлараро кенгашининг навбатдаги йиғилишида иштирок этиши кутилмоқда. 24–25 февраль кунлари Нур-Султон шаҳрида бўлиб ўтадиган тадбирда ЕОИИга аъзо бешта давлат, шунингдек, кузатувчи давлатлар — Ўзбекистон, Молдова ва Куба ҳукумат раҳбарлари бир стол атрофида тўпланади.
«Музокараларнинг асосий мавзулари орасида Ўзбекистон аллақачон қўшилган қишлоқ хўжалиги маҳсулотларини темир йўл орқали жадал ташиш лойиҳаси — ‘Агроэкспресс’ни амалга ошириш бор», дейилади хабарда