Сиёсатчилар ва афғон халқининг америкаликлар контингенти Афғонистондан кетиши оқибатлари билан боғлиқ энг ёмон прогнозлари амалга ошмоқда: толиблар бутун мамлакат бўйлаб ҳужумларни давом эттирмоқда. Жума куни улар Афғонистон-Эрон чегарасидаги асосий назорат-ўтказув пунктини эгаллаб олишди. Туркманистон билан чегара ҳудудида отишма овозлари эшитилган, чегара ҳудуддаги аҳолини эвакуация қилиш ишлари бошланган.
Тurkmen news нашри ўз манбасига таянган ҳолда Сарҳадобод шаҳри аҳолиси отишма овозларини эшитгани, овозлар чегаранинг Афғонистон томондаги Тургунди посёлкасидан келгани ҳақида хабар берди.
Айрим манбаларга кўра, бир кун олдин чегара томонга ҳарбий юк машиналари ва туркман армияси контингенти йўл олган.
Turkmen news манбаси маълумотларига кўра, туркман зобитлари ўз оилаларини чегара ҳудудидан эвакуация қилишга киришган.