Платформа маълумотларига кўра, ўтган ҳафтада Ўзбекистон Республика товар-хом ашё биржаси (ЎзРТХБ) майдонларидаги савдолар ҳажми 4,9 триллион сўмни ташкил этди, бу бир ҳафта аввалгидан икки баравар кўпдир.

АИ-80 русумли бензин 9,8 фоизга арзонлашди, ўртача бир тоннаси деярли 7,7 миллион сўмни ташкил қилди. ЎзРТХБдаги савдоларнинг асосий қисми биржа битимлари (45,1%) ва электрон давлат харидлари (54,6%) ҳиссасига тўғри келди. Кейинги ўринларда кўргазма-ярмарка аукциони (0,1%) ва автомобиль рақамларининг онлайн аукциони (0,3%). 

Ҳафта давомида АИ-91 русумли бензин 8,8 фоизга тушиб, 14,54 миллион сўмни ташкил қилди. АИ-95 1,1 фоизга ошиб, 16,10 миллион сўмга етди. Дизель ёқилғиси 0,7 фоизга қимматлашиб, 16,41 миллион сўмни, арзонлаштирилган газ нархи эса 7,4 фоизга арзонлаб, 5,96 миллион сўмни ташкил қилди. 

Катодли мис 6,9 фоизга ўсиб, бир тонна учун 95 миллион сўмгача ошди. Бир грамм олтин 1 фоизга қимматлаб, 611,89 минг сўмга етди.