Андижондаги мактабда текширувлар учун ўқитувчилардан 100 доллардан йиғилгани айтилмоқда

Андижондаги мактабда текширувлар учун ўқитувчилардан 100 доллардан йиғилгани айтилмоқда

Ижтимоий тармоқларда Андижон вилояти Бўстон туманидаги 25-сонли умумтаълим мактабида текширувлар учун 100 доллардан пул йиғилгани ҳақида аудиоёзувлар тарқалди. Халқ таълими вазирлиги матбуот хизмати ҳолат вилоят Халқ таълими бошқармаси томонидан назоратга олинганини маълум қилди.

Вазирлик матбуот хизматининг қайд этишича, дастлабки ўрганиш жараёнида мазкур аудиоёзувлар 2019 йилда ёзиб олингани аниқланган. Айни пайтда мазкур ҳолатни атрофлича ўрганиш мақсадида ишчи гуруҳ фаолияти йўлга қўйилган ва ўрганишлар натижалари бўйича батафсил маълумот берилади.