АҚШ ҳукумати электрон сигарет савдосини чекламоқчи

АҚШ ҳукумати электрон сигарет савдосини чекламоқчи

АҚШ президенти Доналд Трамп маъмурияти яқин ҳафталар ичида хушбўй таъм қўшилган электрон сигаретлар савдосини чекламоқчи. Бу ҳақда АҚШ Соғлиқни сақлаш ва ижтимоий хизматлар вазирлигининг сайти хабар беряпти.   

Қайд қилинишича, биринчи ўринда америкалик мактаб ўқувчилари кўп истеъмол қиладиган тамаки, ялпиз ва ментол таъмли вейплар (электрон сигарет) савдодан олинади.

“Ёшлар орасида электрон сигарет эпидемияси тарқалгани муаммосига эътибор қаратиш учун Трамп маъмурияти бозорни хушбўй таъмли электрон сигаретлардан қатъий тозалаш ниятидалигини кўрсатяпти”, дейилади хабарда.

Ушбу эълон электрон сигаретлар туфайли ўлим ҳолатлари сони ошаётганига қарамай Америка аҳолиси орасида айни жиҳозга талаб ошиб бораётган бир паллада чиқди.

976