"Автоблогернинг апелляция шикояти қаноатлантирилмади" — суд қарори

Аввалроқ, автоблогер Бобур Ғаниев ва унинг ҳуқуқбузар шерикларига жиноят ишлари бўйича Учтепа туман суди ҳукм ўқигани ҳақида хабар бергандик.

Шундан сўнг, блогернинг адвокати Ф. Толибов томонидан суд қарорига нисбатан апелляция шикояти келтирилган.

Маълум қилинишича, бугун, 6 октябрь куни Тошкент шаҳар суди жиноят ишлари бўйича судлов ҳайъати апелляция инстанцияси Б. Ғаниевга нисбатан жиноят ишлари бўйича Учтепа туман судининг қарорини ўзгаришсиз қолдирди.

“Б. Ғаниевнинг адвокати Ф. Толибов томонидан келтирилган апелляция шикояти қаноатлантирмасдан қолдирилди”, - дейилади хабарда.