Автокорхонага ишга кириш учун 3000 доллар талаб қилган фирибгар ушланди

Автокорхонага ишга кириш учун 3000 доллар талаб қилган фирибгар ушланди

Бош прокуратура ҳузуридаги Департаментнинг Тошкент вилоят бошқармаси томонидан Олмалиқ ихтисослаштирилган прокуратураси ходимлари билан ҳамкорликда ўтказилган тезкор тадбирда, фуқаро М.Б. икки нафар фуқарони Олмалиқ кон-металлургия комбинатига қарашли автокорхонага ишга жойлаштириб қўйиш эвазига 3 000 АҚШ доллари талаб қилиб, шундан, 1 000 АҚШ долларини олган вақтида ашёвий далил билан ушланган. Бу ҳақда Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Ҳаёт Шамсуддинов хабар қилди.

Мазкур ҳолат юзасидан М.Б.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.