Аввал хабар қилганимиздек, Тошкент шаҳрида Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлиси бошланди. Унда Ўзбекистон Республикаси Президенти Шавкат Мирзиёев иштирок этмоқда.

Йиғилишда Шавкат Мирзиёев Қонунчилик Палатасидан ўрин олган 48 нафар аёлларга ҳам катта ишонч билдирди. Давлат раҳбари уларни жойлардаги турли ижтимоий масалаларни дадил муҳокама қилишга чақирди. 

«Сайлов кампаниясида кузатдик, ишонч пайдо бўлди, шу билан бирга талабчанлик ортди. Турли масалаларни ҳал қилиб беринг, деб талаб қилишди. Бу депутатлар масъулиятини оширади. Сиёсий партиялар олдига янги вазифаларни қўяди», - деди Шавкат Мирзиёев.

"Аввалгидай, ёзиб берилган саволни ўқиманг, савол билан саволнинг фарқи бор. Битта қонун бўйича савол бериш учун вазирдан кўп билишингиз керак," - деди Шавкат Мирзиёев.

«Халқимиз сизлар берган ваъдаларнинг амалга оширилишини кутяпти. Мен овоз берган депутат қандай ишларни амалга оширади, деб кутяпти. Сукунат вақти виждонингиз олдида жавоб беринг: бир ойда камида битта иш қилинг», – қайд этди давлат раҳбари.