БАА резиденти мақомини олганлар Ўзбекистонга визасиз киради
2.01.2020 13:29,
144
Хорижий фуқароларнинг ва фуқаролиги бўлмаган шахсларнинг Ўзбекистонга келишлари, кетишлари, бу ерда бўлишлари ва транзит ўтишлари тартиби тўғрисидаги Ҳукумат қарорига қўшимчалар киритилди.
Киритилган қўшимчаларга кўра, Бирлашган Араб Амирликлари (БАА) фуқаролари учун Ўзбекистон ҳудудига кирган кундан эътиборан 30 кун муддатга визасиз режим 2020 йил 1 январдан бошлаб БАА резиденти мақомини олган хорижий давлатлар фуқароларига нисбатан ҳам қўлланилади.
БАА резиденти мақомини олган хорижий давлатлар фуқаролари Ўзбекистонга киришда амал қилиш муддати 90 кундан кам бўлмаган резидентлик визасининг асл нусхасини тақдим этадилар.