Пойтахтимизда ўтказилаётган бадиий гимнастика бўйича жаҳон кубогида терма жамоамиз дастлабки медалини қўлга киритди.
Маҳоратли спортчимиз Тахмина Икромова олтин медаль соҳиби бўлди.
Миллий олимпия қўмитасидан маълум қилинишича, кўпкураш дастурида юртимиз шарафини ҳимоя қилган Тахмина 119.60 балл жамғаришга эришди. Таъкидлаш жоиз, бу Икромова учун жаҳон кубоги босқичларидаги биринчи олтин медаль бўлди.
Бадиий гимнастика бўйича жаҳон кубоги, кўпкураш:
1. Тахмина Икромова (Ўзбекистон) – 119,60
2. Екатерина Ваденеева (Словения) – 118,20
3. Даржа Варфоломедеев (Германия) – 112,65.
Шунингдек, “Париж – 2024” Олимпиадаси учун шаклланган гуруҳ машқида қизларимиз 3 тасма ва 2 та тўпдаги дастурда кумуш медалга сазовор бўлди. Вакилаларимизнинг чиқиши ҳакамлар ҳайъати томонидан 48.05 баллга баҳоланди.
Бадиий гимнастика бўйича жаҳон кубоги
гуруҳ машқи:
1. Болгария – 53.95
2. Ўзбекистон – 48.05
3. Қозоғистон – 45.60