Бангладеш давлат темир йўлларига тегишли шаҳарлараро ҳаракатланаётган поезд сешанба куни бошқа поезд билан тўқнашиб кетди. Натижада 16 киши вафот этди ва 60 дан ортиқ киши жароҳат олиб, касалхонага ётқизилди. Бу ҳақда Daily-Sun нашри хабар берди.

Расмийлардан бирининг айтишича, 10 киши воқеа жойида, қолган олти нафари шифохонада вафот этган. Ҳалок бўлганларнинг 3 нафари 4 ёшгача бўлган болалардир. Шунингдек, оғир жароҳат олганларнинг кўплиги қурбонлар сонининг ошишига сабаб бўлиши мумкинлиги айтилмоқда.

Бангладеш Темир йўллари вазирининг айтишича, ушбу ҳалокат учун поезд машинисти Турна Нишита жавобгар ҳисобланади. Шунингдек, вазир вафот этганларнинг оилалари ва жароҳат олганларга компенсация тўлаб берилишини айтди.

Ҳозирда қутқарув операцияси амалга оширилмоқда. Қутқарувчиларнинг айтишича, поезд қолдиқлари ичидан яна қурбон бўлганлар чиқиши мумкин.