Сурия президенти Башар Асад Россия 24 каналига берган интервьюсида россиялик ҳарбийларнинг Сурия ҳудудида бўлиб туриши жаҳонда мувозанатни сақлаб туриш учун зарурлигини айтиб ўтди. Унинг таъкидлашича, буюк давлат сифатида Россиянинг бундан бошқа йўли йўқ.
Сиёсатчининг фикрича, ҳозирги кундаги дунё ҳуқуқий тамойиллар асосида яшамаяпти, балки фақатгина «куч»ни тан олади. Айнан шунинг учун ҳам Россиянинг ҳарбий мавжудлиги жаҳондаги балансни сақлаб туриш учун керак.
Башар Асад, шунингдек, Москва Дамашққа «маълум давлатлар» томонидан қўллаб турилган терроризмга қарши курашга ёрдамлашаётганини айтди. “Терроризмнинг чегараси йўқ,“ - дея қўшимча қилган Сурия президенти.